Song Xli. Dearly I Love Johnny, O Poem by Robert Anderson

When Sandy first a wooing came,
He fondly try'd to win my heart,
And blush'd whene'er he own'd his flame;
But soon I guess'd his wily art.
Tho' ilka lad in tartan plaid
Should ca' me blythe and bonie, O,
They'd try in vain my heart to gain,
So dearly I love Johnny, O.

Tho' Johnny canna boast of wealth,
Contentment crowns his lowly state;
His ruddy cheeks denote sweet health,
And goodness mak's the laddie great.
In Aberdeen sure ne'er was seen
A youth sae blythe and bonie, O;
His flatt'ring tale can aye prevail,
So dearly I love Johnny, O.

The ither morn upo' the bent
I met my lad sae brisk and gay;
He vow'd, unless I'd gi'e consent,
He'd o'er the hills and far away.
As hame we stray'd his pipes he play'd,
And sang of love sae bonie, O,
I made a vow to buckle to,
So dearly I love Johnny, O.