ଘୋଡା ଉପରେ ବସି Sitting On The Horse Poem by Gajanan Mishra

ଘୋଡା
ଗଜାନନ ମିଶ୍ର

କରୁଛ ବିଶ୍ବାସ ଘୋଡାଙ୍କୁ!
କି ଜଣା ଏମାନଙ୍କୁ
କବାଟ ବନ୍ଦ କି କଣ!

ଛାତ ଡେଇଁ
ଧାଇଁ ଆସୁଛି ଯେବେ ପାଣି
ଜାଣିବାକୁ ହେବ
ଖରାର ପ୍ରକୋପ।
ଆଉ ଏତେବେଳେ ପଡିବ ଜଣା
ପାରଙ୍ଗମ କିଏ!

କବାଟକିଳା ଭାତ
କାନଫୁସକା ଲାତ
ଖାଇଲାଲୋକ ଜାଣେ
ହୃଦ-ଯନ୍ତ୍ରଣା ମରଣାନ୍ତକ।

କୁହ ନି,
କଳା ବ୍ରାହ୍ମଣର କାରନାମା!
କୁହ ନି,
ପହଂଚିଲାଣି କିଏ କୋଉଠି
କଣ ପାଇଁ!

ଆଶା-ଆଶଙ୍କା
ଥାଉ, ଅଛି ଯୋଉଟା ଯୋଉଠି।
ଘୋଡାକୁ ଦରକାର ନାଇଁ
ଖାତିର କରିବା,
କିନ୍ତୁ ଦରକାର ଘୋଡା ଉପରେ ବସି
ସୀମା ପାର ହୋଇଯିବା
ଯେତେ ଶୀଘ୍ର ପାରୁଛ ଯୋଉଠୁ।

ତପୋବନ, ଟିଟିଲାଗଡ,ବଲାଙ୍ଗୀର
15/08/2020