SEALSCREED Poem by WN Herbert
SEALSCREED
Thi mune is risin rantie reid
abune thi auld sea waa
as tho it werr thi neb o a seal
come at some lassie's caa -
come steam-an-snowkin fae thi deeps
at some pair lassie's caa.
Uts screed o licht flochts on thi firth:
turn heelstergowdie tae
see whit thi lift prents wi a skiff -
whit huz thi mune tae say?
But nicht's aa ink, sae aa it's dicht
is waly walaway.
This poem has not been translated into any other language yet.
I would like to translate this poem
Delivering Poems Around The World
Poems are the property of their respective owners. All information has been reproduced here for educational and informational purposes to benefit site visitors, and is provided at no charge...
5/2/2024 8:54:12 AM # 1.0.0.1119
