Thi mune is risin rantie reid
abune thi auld sea waa
as tho it werr thi neb o a seal
come at some lassie's caa -
come steam-an-snowkin fae thi deeps
at some pair lassie's caa.
Uts screed o licht flochts on thi firth:
turn heelstergowdie tae
see whit thi lift prents wi a skiff -
whit huz thi mune tae say?
But nicht's aa ink, sae aa it's dicht
is waly walaway.
This poem has not been translated into any other language yet.
I would like to translate this poem