Pusp Our Bhramar//Hindi Poem Poem by shambhu nath

Pusp Our Bhramar//Hindi Poem

He pusp tumhare ras ko mai
Sadiyo se chusate aayaa hoo
Tere hee karan kala hoo mai
Roop kaluta payaa hoo
Kali teri khilane se pahale
Uspar mai madaraataa hoo
Choos sugandhit ras ko tere
Atm santusti paataa hoo
Kale pan par naaj mujhe hai
Too bhee mujpar marati hai
Chatak matak se haradam rahati
Dhoop chhaap bhee sahati ho
Rang badalate dair na lagati
Teraa roop niralaa hai
Tere andar arpan hai wah
Jo tujhe chahane waalaa hai
Chadate youwan aankh michouli
Mujhase karane lagati ho
Ban than kar merie raah johati
Hans kar baate karti ho
Tere is khusboo me pagal
Bari door se aayaa hoo
Aate hee teree vaaho me
Apni vaah satayaa hoo
Jo teree is daali me
Kahi na mujhako aayegaa
Ramate jamate kahi bhee ghumoo
Koi nahee mujhako bhaayegaa
Suryaast baaho me kas kar
Mujhako le so jaati ho
Prata kaal sang mere uthati
Khusboo se nahalaati ho
Kitanaa koi hame bulaaye
Kahi nahee mai jaataa hoo
Tere hi dwaare aa kar ke
Teri alakh jagaataa hoo.

COMMENTS OF THE POEM
READ THIS POEM IN OTHER LANGUAGES
shambhu nath

shambhu nath

Pratap Garh Uttar Pradesh
Close
Error Success