Ngumntwana Oswel'Isimilo Poem by Anele Potelwa (Unpublished)

NguMaqhing'eqengqelek'eqhineni
NguMrhuthulul'urhwex'iintsindabadala
NguMkroz'ukrakr'ekreleni lezidenge
UKreb'owasinda esandleni sekrali

Isimi'esibumila rhenqe
uMlom'ubhodl'isiTaliyana
kub'ulixhoba lombeko wembeko
uyimfungu-mfung'efel'esonweni

Zigalo zixel'unombombiy'eqhwalela
kub'ingqondo kwayona iswel'ukuhlwayela
ngombomb'esonwen'ubeth'etshayelela
zenzo ziman'ukonakala kwezo ntlekele

Mpindo zezontlekele kuligazi
Mpindo zezontlekele kukungazi
Mpindo zezontlekele kuzinyembezi kubazali
Mpindo zezontlekele ulixhoba yena akasali

NguNqalintlok'omnqants'uyamehlula
UNqind'omathambo awakhw'emqolo
NguSiziba siviwa ngokuzivela
inyath'akayibuzi kub'uyazibonela

Ayiso simanga siquleth'izigxala
Ngxe! Mzwakowethu masingamtyholi
Kub'ubomi yena usabuqala
Kub'iinzima zona azikamtholi