Ndochemewe imba yamabwe. Baba vakavaka karukangarabwe. Kwete nokuda kwavo asi kwake mutsvata ropa. Ndochemewe machewe e. Dai kuchi kare ndairidza mhere. Uri huchi bwuzere masvosve. Wava wonde dai uri mukadzi handairowora. Pfuma yenhaka vakatora vakagovana pahukama hwavo vepfumojena. Nhasi vodya mapfupa ayo nyika. Isu tiri ve nhoko dzezvironda. Nhasi vogara neyemubatanidzwa wavo. Isu ndisu vasevenzi vavo. Nehanda nyakasikana. Ndochemera wako mutunhu wakapinda chipfukuto. Mharadzamatura. Vana tawonda tawondoroka sembwa ine gwembe e. Ivo dzangova hochi. Kukora nenzara nenzara. Ndicheme here nehanda Kaguvi agokupa rangu guvi remisodzi? SoroReNzou murenga hona topinda pachimurenga chechina. Vana wakayamwisa, fundo takadya. Dotipai chirebvu chenyu titambe nacho. Tiri vadzidzi veTSAMBO chena. Dotipakatirai tisazviringa. Honai vari nyika dzimu Tochema. Kuchemera Zimbabwe.
This poem has not been translated into any other language yet.
I would like to translate this poem