My Ewige Vloek Poem by Gerhardus Keen

Duisend stemme gelyk in my kop
Visioene van jare gelede
Wat my probeer oorreed om op te skop
Wat my wil laat vergeet van die hede

Dinge wat by my spook
Wat my nie alleen wil laat
Wat in my gemoed oor kook
Wat my plat wil slaat

Ek sien hulle voor my
Vyande al lank terug verslaan
Maar hulle is voorberei
Om met die oorlog voort te gaan

Hoeveel keer wil hul nog sterf in vrees
Hoeveel keer wil hul nog sien
Ons was die wenners van die geveg gewees
Ons het 'n Lewende God wat ons dien

Vanaand het ek hulle weer verslaan
Hulle het gekry wat hulle verdien
Maar hulle sal weer uit hulle grafte opstaan
Om my weer te treiter, om my weer te sien

Ons gaan dié stryd nog lank baklei
Vir hulle is daar nie rus
Want aanvaarding is vir hulle verby
Hulle verstaan nie dat hulle al in die 80's verslaan is

Ek het al gebid dat dit moet stop
Ek het dit selfs van die Here versoek
Maar die grens oorlog wil my nie los
Dit is my Ewige Vloek

© GK1-04-Mar-17

Foot note:
I am really tired to fight this battle over-and-over in my head. I was a good soldier and the results will remain the same each and every time
But I sometimes wonder if the cost I have to pay mentally is worth this reoccurring battles.
But I am a soldier, an officer and a gentleman and we were Mentally prepared for any situation, and I have a positive outlook on life, but I was never told that I was going to fight my inner demons and the defeated enemy till eternity.
Sometimes I want to give up, but the warrior in me remains! ! !