Woh Apne Ishq Mein Kaisa Kamaal Rakhta Hai
Kay Be-Rukhi Mein Bhi Mera Khayaal Rakhta Hai
Jo Aaj Mera Nahi Hai Woh Kal Mera Ho Ga
Ke Har Zamaana Uroj-O-Zawaal Rakhta Hai
Ajab Nahi Woh Jahaan Bhar Ko Beywafa Samjhe
Nazar Mein Meri Wafa Ki Misaal Rakhta Hai
Kahan Talak Koi Dast-E-Karam Ko Zehmat De
Tamaam Shaher Hi Dast-E-Sawaal Rakhta Hai
Meri Urdaan Ke Aagay Hai Kis Qadar Bey-Bas
Yeh Aasmaan Jo Sitaaroon Ka Jaal Rakhta Hai
Tera Khayaal Hi Kuch Meherbaan Hai Warnaa
Jahaan Mein Koun Kisi Ka Khayaal Rakhta Hai
This poem has not been translated into any other language yet.
I would like to translate this poem
One of the best Urdu Ghazals I have ever read, Mishra Ji main aapko salam karta hoon. Keya khayalat hain, kitni khoobsoorat aur sada zaban hay, keya rawani hay, samajh mein nahin aata ke kis kis bat ki tareef karoon.