Caledonia Poem by Sheena Blackhall

Caledonia whyles rides on a kelpie's back
Mists in her hair, traffic aroon her feet
Her breists are Bens
Sna bree treetlin doon
Frae her Cailleach paps

The Firth o Forth's her middle
Glimmrin dolphins slider aroon her wyme

The Nor Sea brakks on her sides
Her fierce teeth brakk it inno smithereens

Her ferms are sweet wi the scaled
Bluid o warriors, faan in tulzies

She is a winged kintra
Twa flags flap frae her showders
The Saltire an the Lion

Caledonia, dinna test her mettle
Lan o fusky, aets, symbolic thrissle