Bahala Na Poem by Rey Benipayo

Ano ba ito?

Walang maisip na maganda

May writer's block yata ako ngayon

Ano ba ito sinusulat ko, walang kuwenta

Bagay yata ito sa basurahan

Hay…ewan! ! ! Nakakainis talaga!


Bahala na nga at wala talaga akong paki

Kung may makabasa man nito

Buti na lang kung walang magbasa nito

Bahala na kung ano man ang sinulat ko

Kung pangkritiko man ito

Kung makatulong man ito sa hirap ng buhay

Kung makainspire man ako

Kung nanakot man ako sa sinulat ko


Bahala na kung ma-offend ka sa sinulat ko

Dahil sa dami ng mura o kaya'y di katangap tangap

Dahil sa malaswa ito at di talaga pampubliko

Dahil sa naninira ito ng tao na kilala mo

Dahil sa sira ulo ang nagsulat nito

At dahil sa napakadisturbing nito


Bahala na kung makasulat man ako

Ng mga likhang literatura na di malilimutan

Na kahit patay na ako ay maaalala mo pa ako

O kahit ilang libong taon na ay maaalala pa

Ng mga susunod na henerasyon

Na pag-aaralan ang mga sinulat ko


Ordinaryong tao lang ako na mahilig magsulat

Libangan lang ang ginagawa ko

At kahit walang bayad ay pinapublish ko ito

Kahit saang website basta mabasa lang

Hindi ko hangad na maging popular

Hindi ko hangad ang yumaman

Hindi ko hangad ang magka-award

O magkaroon ng maraming fans

Ok lang kung di mo magustuhan mo ang sinulat ko

At least na-share ko ang nasa isip ko


Bahala na kung ang sinulat ko ay non-sense

Isang maikling tula man ito na mahirap intindihin

Maikling kuwento o isang napakahabang nobela

Kung predictable man ang kuwento nito

At masyadong nang generic para sa'yo

Na alam mo na agad ang ending

O kaya ay hindi orihinal at inspired lang

Gusto ko lang magsulat at magshare ng thought

Kahit walang bayad o kaya'y magbasa

Kahit di man ito importante o makakasalba ng buhay

Kahit wala man magkagusto dito

O kaya naman ay marami man ang magalit sa akin
Masarap kasing magsulat, talento ko ito
Kaya bahala na kung anong isipin mo.