A We Dis- Self Determination Poem by Elaine Oxamendi Vicet

A We Dis

Self-Determination is Key!

………..Di key
yuh si………..

Once yuh noo weh yuh a go
An yuh know ‘ow yuh a go
get deh’
Once yuh noo wey yuh
Waan

Den

Awl di su su su
Awl di feeble attemp
Fi
Chattel, coral, coerse
Wi
Mus bruk dung
Dun
Dun
Dun
Cause
Self determination
is di key


suh
nuh badda mek di
dis ‘n’ dat
nuh badda mek di
‘ole s’tuation
Badda yuh

Wi mus know
Weh wi waan
Wi mus determin di path
Wi mus wuk wid di system
Am mek it wuk fi wi pass
Wi mus look forward
An
Tek wi mind outta di pas
Tek wi min outta
Present condition

Cause dis yah scene
Can laas
Dis yah scene
A jus a pause
Pon fi mi determination chart

Suh
Self
Determination
A fi mi key
SEEN!