फैफिन्दो Poem by DINGRAI BASUMATARY

फैफिनदो नोंसोर...
उदांस्रि दावहारु
नोंसोरहा सम जाबाय
गिदिंफिन्नायनि...

बेसेबा मायथाइ बारलांबाय
अरनाव थाखोमा थाखोमा
नोंसोर बेसेबा जुजिबाय..
नोंसोर मा मावखो
नोंसोर मा लाबोखो
बेनि हिसाब जोंनो नांलिया

सुथुरनि अनागारि नोजोराव
नोंसोर जानांबाय आलाय सिलाय
अह....

नोंसोरथ' मालाय नंआ
आंगो गंसे नखरनिनो

अखानायब्लानो...
दाव, अमाफोर बादि..
जानांबाय नोंसोरनि जिउ

नोंसोरहाबो दंमोन गोबां मिजिं
नोंसोरनि सायावनो हावरिया बिमाहाबो
दंमोन सानथ्र'हायै मिजिं
आय' दावहारु जोहोलाव जोहोलावजोफोर
दिनै गासैबो दै जानांबाय

अह' दावहारुफोर...
नोंसोरल' मानो
अरनाव थाखोमा थाखोमा जुजिबावनो
फैफिन्दो नोंसोर
सम जाबाय गिदिंफिन्नायनि

फैफिन्दो नोंसोर...
खौसेयै सोमावसारदिनि....
सुबुंखान्थिनि मोन्थोरजों...l