کیا کہوں دل مرا کس درجہ غنی ہے اے دوست Poem by Akhtar Muslimi

کیا کہوں دل مرا کس درجہ غنی ہے اے دوست
دولتِ درد اُسے جب سے ملی ہے اے دوست
مجھ سے قسمت بھی مری روٹھ گئی ہے اے دوست
یہ بھی انداز ترے سیکھ رہی ہے اے دوست
مجھ کو منظور نہیں عشق کو رسوا کرنا
ہے جگر چاک مگر لب پہ ہنسی ہے اے دوست
دردِ دل زخم جگر سوزِ نہاں اشکِ رواں
تو سلامت ہے تو کس شے کی کمی ہے اے دوست
ہائے اب وہ خلش درد کہاں سے لاؤں
زندگی پھر وہی شے ڈھونڈ رہی ہے اے دوست
چشم گریاں بھی بہت جوش میں آئی لیکن
آگ اس طرح کہیں دل کی بجھی ہے اے دوست
کون سے وقت میں اخترؔ کو سہارا دوگے
اب تو اُمید بھی دم توڑ رہی ہے اے دوست

Kya kahun dil mera kis darja gani hai ai dost
Dault-e-dard use jab se mili hai ai dost
Mujh se qismat bhi meri rooth gayi hai ai dost
Yeh bhi andaaz tere seekh rahi hai ai dost
Mujh ko manzur nahi ishq ko ruswa karna
Hai jigar chaak magar lab pe hanshi hai ai dost
Dard-e-dil zakhm-e-jigar sooz-e-nehan ashk-e-rawan
Tu salamat hai to kis shai ki kami hai ai dost
Hai ab woh khalish dard kahan se laun
Zindagi phir wahi shai dhund rahi hai ai dost
Chashm-e-garyan bhi bahut josh mein ayi lekin
Aag is tarah kahin dil ki bujhi hai ai dost
Kaun se waq mein Akhtar ko sahara doge
Ab to ummid bhi dam tod rahi hai ai dost