Sa Aking Pagtanda Poem by Grace Svensson

Darating ang panahon
Ako ay tatanda rin
Magiging salat
Mangungulubot ang balat

Ako ay may mga nais
Pag iyong panahon nangyari na
Mahalin lang ako ng labis
Katulad ng kanina

Ako ay pagtyagaan
Kung sa paglakad ay mabagal na
Wag mo rin sanang sisigawan
Kapag me sinasabi ka

Bigyan ako ng pang-unawa
Kung mareklamo na
Pati sa pagiging malilimutin
Bigyan ng pasensya

Akin pa ring baon-baon
Mga panahon na kay saya
Magagandang larawan at karanasan
Ay nasa isipan pa

Sa tingin ko ako ay tatanda
Ng may ngiti sa labi
Sapagkat ikaw ay naging bahagi
Ng buhay kong minithi.


Copyright © Grace Svensson
February 9,2018