" Roast Turkey" By Miss Lou Poem by Sheresha Carridice

Gal run go wash the jesta pot,
Ketch up di fire fred, tell Lou fi sen sum season miss mary turkey dead
Di turkey wake up hawty n was strolling bout di place wen him n kate half starvin dog just buck up face to face
Di turkey stop, di dog jaw drop him lick him mout n work it' I him mek a robot-bomba-dive n punch dung pon the turkey.
Miss mary bawl out 'save di turkey kill di dog po soul, two men run off to help har but by di time di turkey cold. Po mary just a groan n sigh and swear her hawt stop beat she tek oath wen di turkey cook n she wouldn't touch di meat
Mi mout sympathize wid her n tell her seh she rite but hear me hawt 'teng god fimi belly gwine buss tonite' so run go beg fan two stale bread run go beg jane some cooking oil, talk loud mek grudgeful emma kno we go eat in style
Dem seh wen horse ded cow fat n puss laugh wen pear tree fall so me gwine full my belly wile mary she deh a bawl.