Mohabbat Koi Paap Nahin Poem by Shrini Deewana

Darta hoon mein sanam bas is jag mein us amavas ki raat se,
Jab chaand hi hogi nahin us gagan mein taaron ke saath mein,
Us raat ko ai mere sanam mein tera chehara dekhoonga kahan,
Aansoon behate hoge aankhon se mere jab sota hoga yeh jahan.

Aise veerani raat mein sanam tum mujhe akela rehane na do,
Aa jao mere paas aur baahon mein tum mujhko tham lo,
Thak gaya hoon mein ai dilruba jaagkar itne raaton ko,
Bas ek raat tum mujhko apni baahon mein so jaane do.

Tere dil ki dhadkan ai sanam ban jaayegi lori mere,
Tere saanson ki garmi se mit jaayegi dil ki thakan mere,
Ab kahoonga mein khuda se ab humein phir se jaga na do,
Hum dono ko yunhi sote sote tum paas apne bhula bhi lo.

Jeene ki ab tamanna nahin hai hum dono ko ek duje ke bina,
Aisa jeevan to ab lag raha hai jaise hum dono ko ho koi saza,
Chalne do hum dono banke arthi bilkul kareeb kareeb se,
Jalne do chitha hum dono ki bas ek hi agni jwaala mein.

Ab kahoonga mein duniya se jo dushman the mohabbat ke mere
Dekhlo ai duniya waalon ab hum insaan nahin bas raakh hai,
Mohabbat hi hai sab se badi baaki ke sab to bas khaakh hai,
Mohabbat se kabhi fir nafrat na karna usme na koi paap hai.

Khaali haath aaye the is jag mein mohabbat ko jeetkar jaate hai,
Dekh le kis mein hai woh dum jo ab humein rokh paate hai,
Jab bahenge hum raakh bankar hum dono ek ho jaayenge,
Tab hamare us milan ko is jag mein koi bhi rokh na paayenge.