Ang Pagmamahal Sa Pamilya Poem by Bernard F. Asuncion

Ang pagmamahal sa pamilya
Ay siyang tungkulin ng lahat;
Magulang man o mga anak
Ay sa pag-ibig iminulat.

Ang pagmamahal sa pamilya
Ay may kalakip na biyaya;
Pagpapalain nga ng Diyos,
Ang pamumuhay ay payapa.

Ang pagmamahal sa pamilya
Ay napakabuting ugali;
Na maisasalin sa supling,
Hanggang sa susunod na lahi.

Ang Diyos ang unang umibig
Noon kina Adan at Eva;
Ipinadama ng Lumalang
Ang pagmamahal sa pamilya.