बुंनोथ' हायो गोबां खोथा
जाय समफोराव जों सानैजों रायज्लायदोंमोन
खोथा होलायदोंमोन
आरो फाला-बदल गाबलाय मिनिलाय खालामदोंमोन
...
सानसेखालि सिमांआव नुदोंमोन आं बि सिख्लाखौ
फैदोंमोन गावनि गोसोबादि
गोसोबादिनो थांफिनदों
बिनि थांफिननाय समनिफ्राइनो आं बिखौ नुफिनाखिसै
...
बार आरो अन्थाइनि अखाया बिखौ जोबनानै दोनदों
बिनि अखाफोर हाबफैग्रा ननि सिङाव
बे बारआव बायगोन ना थावरिगोन
फोथायनो हाया बिनि औवा जेंलाबनि गंसे सखि
...
नों दा उनदुलांबाय जानो हागौ!
आं मिथिगौ नोंहा दा उनदुनायनिनो सम
नाथाय दानो उनदुथवा आं
मावनांगौ गोबां खामानि दं
...
गोबां आगान दंसै बिसोरनि आंनि नैबे बिखायाव
माब्लाबा जुथा गाननानै बिसोर गाग्लिलांदों
माब्लाबा गोरलै आथिंजों बिबार आखिफैदों
बिसोरजों आंनि नांज्लायनाय
...
गांसे सोमखोर बिलाइ
बार खोलोआव बिफां नागारनानै
बिरलांनो सानो
बुब्राब बायो गांखं बारआव गोजावलांनो
...
आथिं दं गोसोबादि थांनो हाया
आखाय थाब्लाबो लुखुर- लाखारखालामनो हाया
गोसोबादि जानो लोंनो बाथ्रा बुंनो हाया
लोमजायाबा हामगौ सानो आं बेखायनो
...
गोसो जायोब्ला आं नोंखौ मेसेज हरनानै बुंहरनो हायो
आं नोंखौ मोजां मोनो होननानै
बेसेबां मोजांमोनो आरो मानो मोजांमोनो
बेखौबो थारला थुरला बुंनानै लाहरनो हागौ आं
...
जों अख्रांखौ मैला खालामबाय
गोसायै बिस होस्रिख्रावनानै
आरो जोंनि नांज्लाय खमज्लायखौ बिनो दिन्थिनानै
बेखायनो बियो जोंखौ दिनै रागा जोंदों
...