[zulu, Inkondlo] Umkhuleko Iii Poem by LLM Mbatha

Thixo Baba u phakeme u lungile
Lungakanani olwakho u thando
Owakho umusa
Ngokudela ozelwe yedwa
Ngenxa yezono zakulomhlaba
Ngenxa yothando lokuthanda isintu
Isintu, ngoba kumele sisindiswe
Esandleni somubi
Uyophelelaphi owami umoya?
Uwe Baba owaziyo!
Liyogcinelaphi elami ithemba?
Uwe Baba owaziyo!
Elami ilanga, ukuphuma nokushona kwalo
Uwe Baba olaziyo...
Ngiyozifihla kuphi mina
Uma ngikhohlwa yiGama lakho
Oh! Ngiyesaba!
Ngiyofinyelela kuphi mina
Uma ngilahla indlela yakho
Oh! Ngiyesaba!
Ngivule amehlo ngikubone
Ngezindlebe ngizwe izwi lakho
Uthando lwakho kuyo inhliziyo
Ngihambe njalo endleleni yakho