Zinda Bachche Jalte Dekhe Aik Budhe Baap Ne By Rekhta Pataulvi Poem by Rekhta Pataulvi

Zalimon Ki Dheel Ka Manzar Nazar Tak Le Gaya
Hum Ghareebon Ki Duwaon Ka Asar Tak Le Gaya

Unche Mahalon Ke Tale Hai Muflison Ki Bheed Kyon
Kaun Sa Jazba Unhe In Ahle Nazar Tak Le Gaya

Zinda Bachche Jalte Dekhe Aik Budhe Baap Ne
Kis Qadar Jaan Sauz Manzar Tha Nazar Tak Le Gaya

Khushnaseebi Le Gayi Ik Behunar Ko Arsh Par
Badnaseebon Ka Hunar To Unka Sar Tak Le Gaya

Matlabi Aik Baap Bete Se Dagha Karta Raha
Ye Rawayya Achchhe Bete Ko Bhi Shar Tak Le Gaya

Rekhta Kar Liya Haqgoee Mein Sar Bhi Safed
Uska Har Ik Sach Magar Jhoote Nagar Tak Le Gaya