William Miller

(1810 - 1872 / Glasgow / Scotland)

Wee Willie Winkie - Poem by William Miller

Wee Willie Winkie
Rins through the toun,
Up stairs and doun stairs
In his nicht-gown,
Tirling at the window,
Crying at the lock,
"Are the weans in their bed,
For it's now ten o'clock?

"Hey, Willie Winkie,
Are ye coming ben?
The cat's singing grey thrums
To the sleeping hen,
The dog's spelder'd on the floor,
And disna gie a cheep,
But here's a waukrife laddie
That winna fa' asleep."

Onything but sleep, you rogue!
Glow'ring like the moon,
Rattling in an airn jug
Wi' an airn spoon,
Rumblin', tumblin', round about,
Crawing like a cock,
Skirlin' like a kenna-what,
Wauk'nin' sleeping folk.

"Hey, Willie Winkie -
The wean's in a creel!
Wamblin' aff a body's knee
Like a very eel,
Ruggin' at the cat's lug,
Rav'llin' a' her thrums -
Hey, Willie Winkie -
See, there he comes!"

Wearied is the mither
That has a stoorie wean,
A wee stumpie stousie,
That canna rin his lane.
That has a battle aye wi' sleep,
Before he'll close an e'e -
But a kiss frae aff his rosy lips
Gies strength anew to me.

Topic(s) of this poem: rhyme

Comments about Wee Willie Winkie by William Miller

  • Freshman - 885 Points Mohamed Fazloon (10/18/2015 1:28:00 PM)

    Got really fascinated by your work. After all these poems are wonderfully written with specified words across each line. Good job! 👍 (Report) Reply

    1 person liked.
    0 person did not like.
  • Gold Star - 47,517 Points Edward Kofi Louis (10/18/2015 11:37:00 AM)

    Crying at the lock! With the muse of life. Nice work. (Report) Reply

  • Gold Star - 15,117 Points Ratnakar Mandlik (10/18/2015 1:06:00 AM)

    Fantastic rhyme and through out entertaining. Enjoyed reading.10 points. (Report) Reply

Read all 3 comments »

Read this poem in other languages

This poem has not been translated into any other language yet.

I would like to translate this poem »

word flags

Poem Submitted: Tuesday, January 6, 2015

[Hata Bildir]