ସେଆଡେ କେନାଡେ There Where Poem by Gajanan Mishra

ରଣଶିଙ୍ଗା
ଗଜାନନ ମିଶ୍ର

ଭାକ୍ ଯା, ନିକଲ୍,
ସେଆଡେ କେନାଡେ ହଟ୍,
କୁଣ୍ଡୁଟା ବେ ତୁ।
ଭାଷା ନ ଜାଣି
ଦେଉଛି ନିଶା।
କହୁଛି ପି ଆଉ
ଯା ଶୁ।

ବର୍ଷ ପରେ ବର୍ଷ
ତମାମ ଚଲେଇଛି,
ନେ, ସାଉଁଟି ରଖ
ଏତିକି ସେତିକି ପୁରସ୍କାର,
ପଦ ପଦବୀ ପ୍ରମାଣପତ୍ର ।
ଇଏ ତାଲିକା ଶତାଧିକ।
ଯିବୁ ବେ ନେଇକି ମୁଣ୍ଡଆଡେ।

ଦିବାଲୋକରେ
ସ୍ପଷ୍ଟ ଦିଶୁଛୁ ବେ, ଶଳା ନଙ୍ଗା!
ଗୁପଚୁପରେ ଚଲେଇଛୁ
ତୁ ତୋର ବିଦେଶୀଡଙ୍ଗା,
ଆଉ ଏଠି ଆମେସବୁ
ଝଡୁଛୁଁ ଗୋଟିକି ଗୋଟି
ଶୁଖିଲା ବାହୁଙ୍ଗା।

ଆକର୍ଷଣ ବିକର୍ଷଣ ବିଲକ୍ଷଣ
ଭିତରେ ବି ବଜାରେ ବଜା
ତୁ ତୋର କବି ବଜା,
ସଚ୍ଚାପଣକୁ ଦେଖା,
ମଣିଷପଣକୁ ଉଠାଇବାକୁ
ଶବଦସବୁ ସଜା ଆଉ ବଜା
ବଜା ବଜା ରଣଶିଙ୍ଗା।

ତପୋବନ, ଟିଟିଲାଗଡ, ବଲାଙ୍ଗିର
25/7/2019