The Gowden Locks Of Anna Poem by Robert Burns

The Gowden Locks Of Anna

Rating: 5.0


YESTREEN I had a pint o' wine,
A place where body saw na;
Yestreen lay on this breast o' mine
The gowden locks of Anna.


The hungry Jew in wilderness,
Rejoicing o'er his manna,
Was naething to my hinny bliss
Upon the lips of Anna.


Ye monarchs, take the East and West
Frae Indus to Savannah;
Gie me, within my straining grasp,
The melting form of Anna:


There I'll despise Imperial charms,
An Empress or Sultana,
While dying raptures in her arms
I give and take wi' Anna!


Awa, thou flaunting God of Day!
Awa, thou pale Diana!
Ilk Star, gae hide thy twinkling ray,
When I'm to meet my Anna!


Come, in thy raven plumage, Night,
(Sun, Moon, and Stars, withdrawn a';)
And bring an angel-pen to write
My transports with my Anna!


POSTSCRIPTThe Kirk an' State may join an' tell,
To do sic things I maunna:
The Kirk an' State may gae to hell,
And I'll gae to my Anna.


She is the sunshine o' my e'e,
To live but her I canna;
Had I on earth but wishes three,
The first should be my Anna.

Saturday, October 25, 2014
Topic(s) of this poem: love
COMMENTS OF THE POEM
Dr Antony Theodore 07 April 2020

She is the sunshine o' my e'e, To live but her I canna; Had I on earth but wishes three, The first should be my Anna. a poem of love. tony

0 0 Reply
READ THIS POEM IN OTHER LANGUAGES
Robert Burns

Robert Burns

Ayrshire / Scotland
Close
Error Success