The Absorption(মগ্নতা) Poem by Bhaskar Rabha

মগ্নতা
17-11-1999

বহি থাকোতেই গাতে পৰিল
ৰঙীন সপোনৰ ৰেচমী চাদৰ

ভাবি থাকোতেই হাতত তোমাৰ
গোলাপ ফুলৰ শৰীৰ

তোমাৰ শৰীৰ নদী হৈ
চাই থাকোতেই বৈ গ'ল ভৈয়াম ভাঙি ভাঙি

কলভেল এখন পাৰঘাটত লাগিল
সুৰ্ সুৰ্ কৈ গুচি যোৱা ঢৌত
খৰ মাৰিলে পিংগল বিয়লি

হাত সাৱটি ৰৈ থাকোতেই
গেলেপা-গেলেপ এন্ধাৰে পেলালে জাল

মুৰত এপাচি তৰা লৈ বনিজলে বুলি
জোনটিও ওলাল ।।।
(Feb/2000-ত লিপি নামৰ তিনিমহীয়া আলোচনীত প্ৰকাশিত)