Teri Yaadon Mein Poem by Shrini Deewana

Pehele jo guzarti thi ghadiyan sang tumahare,
Aaj woh guzarti hai bas mere akelepan mein,
Na jaane phir kab aayegi woh beeta zamana,
Nahin lagti hai dil mere ab sanam tere bina.

Kahin to kho gayee hai woh ghadiyan jab hum kareeb the,
Aaj lagta hai badti hi jaa rahi hai dooriyan hum dono mein,
Dil mein darr sa rehata hai mera kahin kho na doon mein tumhein,
Ab to jee nahin paoonga mein tere bina oh mere sanam.

Na jaane lag gayee kis ki nazar hum dono ko sanam,
Ke aaj itne door mujhse tum hogi ho mere sanam,
Dil mera hai gham mein dooba hua tere bin mere sanam,
Rukti nahin hai behate aansoon tere yaadon mein sanam.

Yaadon mein to bas tum hi tum ho har pal mere sanam,
Par yaadon se dil bharta nahin yeh hai hakeekat oh sanam,
Na jaane kab hategi yeh gham ke badal aur ayegi phir khushi,
Na jaane kab khilegi bahar mere jeevan mein aur milogi tum mujhe.

Na jaane kab aayegi phir se woh suhana mausam sanam.
Jab hum phir se hoge ek duje ke bilkul kareeb sanam,
Kya aayegi kabhi woh ghadi jab tum hogi mere kareeb,
Ya yunhi sehana padega ab yeh doori jeevan bhar sanam.