Tera Saya Poem by Hira Ahsan

Kalaam se jo hon balatar
Kuch lafz aisay mehfooz hon...
Is hid'dat se hath ko tham le
Mai rafaqat se teri mehzuz hun...

Zabt ki zanjiron mei jakrray gye
Kuch masoom se jazbay mere...
Kabhi mujhko mujh mei yuon talash ker...
Khuli kitab ki manind lagun
Mai tujhse kuch na chupa sakoon..

Hain samandaron si wus'atein
Aa doub ker kuch jaan le...

Kisi aysi raah pe tanha tu chal
Jahan saya tera mai banu'n...! ! !