सिमांआव मोफ्लामगासे (Story) Poem by Ronjoy Brahma

सानफ्रामबो सानफ्रामबो
हर सान -
मोखां बिजाब फराय फराय
सिमांमानि नुग्रा जाबाय,
सिमांआवबो सेटिँ सेटिँ
सोरजोँ सोरजोँ सानथ्रा हायै -
सिमां नुदोँमोन आं
मुहिहाबनाय मोफ्लामगासे।
सिख्लाया जारौ-रौ खावलाय
जिन्स् लंपेन्टजोँ साजायनाय
टाइट् फिटिँ स्पटिँ
आंनि टाइमलाइन्आव
बिबार बायदि समायना;
लासिँसिँ गोरोन्थिया आंनिनो-
आं बेनो हरदोँ सेटिँ,
' आइ लाभ् इउ'
बियो सेकेण्ड मोनबानि उनाव
आंनिसिम रिफ्लाइ-
'थोट्: लाजियाबो'
खरसानि फना गाबगां फैयो
सोदोबा नकिया टन्
भाइब्रेटिँ गुरलुब् गुरलुब्
दुबफुं सिरि मोन्ना सिखारो।
सानरेब लिरनाय हुदा दं
सिमांखौनो मोफ्लामगासे सेभ्।