आंनि गामियाव दाबो सैमा सोङो (Story) Poem by Ronjoy Brahma

आंनि गामियाव दाबो सैमा सोङो (Story)

सिखाव नङा
फुलिस्?
गैया गैया-
फुलिस्-बो फैयाखै ।
हाल हुरुननाय समबो जायाखै।
गोजां बोथोर ।
सावख्लानि दाहोनाया-
दाबो कमबल फानफ्रेना दं।
सानाव नुदोँमोन आं गलायाव
हानजासे सेँग्राफोर बाजाराव
नङा नङा,
आबगारिनि गलायाव।
संफ्ला अरख'नाय प्लं...
खोमायाव रिँफैयो,
खोमसि, साग्लोबनाय जोमैया
हाथर्खि नुजानो खाबु गैया,
अखोरां नायदावना थाबायनो हाया।
अन्थाइ जोथ्रोदबायनाय
सोर जाथावगौ हर गेजेराव?
सैमा सोँदोँ हां: हां:
सोर जाथावगौ बेयो?
बादायलायनाय मुगायाव सोर बेयो?
आंनि गामियाव दाबो सैमा सोङो।

Friday, December 12, 2014
Topic(s) of this poem: Village
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success