Shirdi Wale Baba... Mere Sai...Mere Sai! Poem by Tapashya Das Sinha

Shirdi Wale Baba... Mere Sai...Mere Sai!

Rating: 3.5


Shirdi ke baba
Shirdi ke vidhata,
Dilon ke sadguru,
Chaitanya ke samrat
Mere sai… mere sai…
Sabka data sabka bhai,
Virat nirakar,
Sone ka suraj,
Chandi ki chandini,
Mere sai… mere sai…
Wo bejod gutthi
Jo sulajh na payi,
Wo resham ka dhaga
Jisko taqat kat na payi,
Ek masoom ki muskaan,
Mere sai… mere sai…
Wo amrit sagar,
Jisko geherai naap na payi,
Sai ahesaas wo lehere,
Jisko koi rok na payi,
Mukti ka kinara,
Mere sai… mere sai…
Sai naam wo madhur geet,
Jise koi sur bin gaye ruk na paye,
Sai naam wo madhur dhun,
Sun kar dole naso mein khoon,
Sai naam wo madhur vani,
Jiska sparsh raigisthan mein bhi bhad de pani…
Jisne duniya ko
Shraddha saburi ka path padhaya
Bhole bhandari
Mere sai… mere sai…
Sai ki roshni duniya chamkaye,
Sai ki mahek sansaar mahekaye…
Wo lal gulab to khamosh
Sai charno mein rehti hai,
Per bikhre gulabon ki pankhuri bhi,
Sai naam keheti hai…
Lakho bheed to sai naam pukare,
Bus sai awaz to keval
Apna dil hi sun paye…
Har zakham,
Har peeda,
Har bimari ki booty dawai,
Dehekte huye sai dhuni ne banayi,
Har chutki bibhuti mein base
Mere sai… mere sai…
Jo rooh jeevan ke aandhkaar mein
Til til marti,
Ujjwal hojaye zindegi
Dekh sai ki manohar aarti…
Sai barsaath, moti barsaye,
Sai kusum, saanse mahekaye…
Sai wo mashab hai
Jo;
Geeta, Quran, Granth aur Bible sunayi,
Brahmand ke malik
Mere sai… mere sai…
Hai sai chitiyon ke dor mein,
Hai sai ek pankh mor mein,
Hai sai hawaon ke shore mein,
Hai sai har mushkil wale morrd mein…
Sai geet to har panchi gati hai,
Sai ki saanson mein har patti dolti hai,
Sai nath wo ghane chaon hai,
Jinke palko tale
Savera apni nigahein kholti hai…
Brahmand ka kalam
Sai charith likh nahi sakti,
Aakash ke panne sai katha ko simat nahi sakti,
Sai aadhar mera jeevan,
Sai sraddha mera kalam,
Sai vishwas mere panne,
Sai bhakti meri siyahi,
Base mere kavitaon mein
Mere sai… mere sai…
Meri kavitayein pukare bus ek hi naam,
Sai naam…
Mere Rahim,
Mere Govind,
Mere Ishwar,
Mere Raam…
hey sai raam! ! !

COMMENTS OF THE POEM
READ THIS POEM IN OTHER LANGUAGES
Close
Error Success