Sewela Ii Poem by Matete Motsoaledi

(appears in Bantu Letters)

Ba mo swere ba mo tlogela
O tla re o gatilwe ke setimela
Morogo ba ikabela
Ba se kgaotše ba ya leboelela
Ga se gwa thuša go goelela
Go ngapangapa le go ragaraga
Maatla lefeleng a felela
Marapo ba thokgelela
Ba ripa mogolo segelela
Motho moya a ineala
Madi mobung a nwelela
Ya ba leraga
Thotobolong ya matlakala ba mo lahlela
Ra tlalelwa ge le dikela
Ra welwa ke leswiswi a sa tšwelele
Bakgotseng re sepetše
Re hlaba mokgoši wa nnyakišeng

Gomme wena nko wa šitwa ke go re šupetša
E be e le yaka kgaetšedi
Leina ke Sewela
Madimabe a re wetše