Pusong Napupurisaw Poem by FRAGMENTS AND PIECES

Pusong Napupurisaw

Pirang banggi ng mayo ka nin turog
sa namamati mong iyo na an pinaorog

nuarin mo masasabotan an bagay na iyan
sa puso mo ika may dapat dai pagpabayaan

minsan ka ng nawara sa tamang dalan
halos nawaran nin buhay asin naghingagdan

ika nakamati na nin siring na bagay
alagad sa pagsuway ika lingaw man giraray

ta daw ta ika dai na nagkakakan
sa gutom mo ika daw mahihipnuan

mayo na nin halaga an gabos saimo
kan itapok sa basura an pagkamoot mo

nalagalag na an buhay na nagmamawot
sa kahulogan na nahiling sa saiyang pagkamoot

hipnuan mo na an pusong napupurisaw
bago pa mawara an saldang kan aldaw


(madero/21august2011nagaBikoldialectpoem)

COMMENTS OF THE POEM
READ THIS POEM IN OTHER LANGUAGES
Close
Error Success