Cirilo Bautista

(1947 - / Philippines)

Patalim - Poem by Cirilo Bautista

Araw-araw
sinusubok naming mag-asawa
ang talim
ng aming balaraw

Halimbawa
kung umiiyak
ang bunsong anak
at hindi kumikilos
ang sintang mahal
sasaksakin ko siya sa likod
at patawang pagmamasdan
habang duguang
pasususuhin niya
ang bunso.

Kung pundi ang bumbilya
sa aming kusina
at ako'y abala
sa paglikha ng tula,

hindi niya ako titigilan
ng saksak sa batok
hanggang ang ilaw ay di
napapalitan.

Patas lang ang aming labanan
lagot kung lagot walang
dayaan.

Kaya
sa katapusan ng araw
magbibilang kami
ng
sugat
at tila mga gulanit na kaluluwa
ay magtatawanan
magsusuntukan pa.
Ganito kami lagi sapagkat
labis ang pag-ibig namin sa
isa't-isa


Comments about Patalim by Cirilo Bautista

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Tuesday, May 15, 2012



[Hata Bildir]