Alay ko sa iyo ang puting rosas
Simbolo ng pag-ibig kong wagas
Tulad ka ng mamahaling hiyas
Na kumikinang sa loob at labas
Salamat dahil di ka nagbago
Kung nagkataon ay ikalulungkot ko
At magdurugo itong puso
Kapag sa akin ikaw ay lalayo
Sana dumating ang panahon
Na mabigyan ng pagkakataon
Maipamalas pagmamahal at atensiyon
Iaalay sa iyo lahat ng iyon
Kaya gagawin ko ang lahat
Upang maging karapat-dapat
Sisikaping maging matapat
Ng ang pagsasama ay maluwat
This poem has not been translated into any other language yet.
I would like to translate this poem