Paghigugma (Binalaybay) Poem by Jesus Diaz Llorico

'Ang paghigugma sa aton palangga
kon kis a wala gaayon sa istorya
mga plano nga indi makuha
kag mabilin na lang sa huna huna

Sa dugay nga tinuig nga ikaw kilala
imo nawong nga pirmi ko makita
kag isa ka gab i ako natingala
sa kasing kasing palangga na kita

Sa kalinong sang gab i nami tulukon
ang imo guya nga sobra katahum
aton mata natuon sa mga bituon
kag kita duha naga damguhanon

Kabalo man ko nga indi ka sa akon
ini binalaybay sakon lang tagipusuon
kag sa pagtindog sa tunga sg dulom
indi ka gid madula sa panumdom

Bisan subong ara ka sa kalayuon
palanggaon ka man giyapon
kag kon ari ka lang sa tupad ko
hakson ka para indi kapalagyo.'