senzokhaya umhayi

Rookie - 0 Points (1991/07/30 / Mtubatuba)

Ngiyakhala - Poem by senzokhaya umhayi

Ngiyakhala

Ngikhala ngiyabalisa ngemini yalolasuku ungishiya,
Ngishaya umkhululungwane njengomdlwane,
Ngikhuleka ubusuku nemini,
Imihla ngemihla angiliboni elenkululeko lapha kimi,
Sengifana nesiboshwa esigwetshwe esempilo etilogweni,
Sengilinde umushayi wecilongo,
Ngoba sengicinge imiqindo nemiqingo angilitholi isu nesixazululo,

Ngiyazinikela angeke ngisagadla,
Sengigadle sekwanele awunaneli,
Sengingaze ngidliwe ulwande njengezidwambi,
Angiqonde dlame kepha inhliziyo yami engihlakazayo ngaphakathi,
Iyangithakatha phela yona isena lowa mjovo,
Lowa mjovo wothando lwakho,
Usangitinyela njengo dosi lwezinyosi,
Sekuze kwaphela ngisho nembilisi,
Sengiyehluleka ukuzibamba nokuziba,

Sengigaqa ngamadolo ngikhumbula izolo,
Noma okwayizolo kungadleki,
Sengicela nje ungenze umfudumezo,
Ungifudumeze ungithakathe ngentando yakho,
Ubuyisele ukumomotheka ebusweni bami,
Ungifake indandatho yenjabulo emihleni yokuphila kwami.

By senzokhaya umhayi, © 2013, All rights reserved.


Comments about Ngiyakhala by senzokhaya umhayi

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Thursday, September 19, 2013

Poem Edited: Friday, September 20, 2013


[Hata Bildir]