*ngibe M'Nyama (Black) Poem by LLM Mbatha

*ngibe M'Nyama (Black)

Rating: 2.7


Ukube nganginakho ukuthi ngizikhethele
Ngalolosuku olwandulela isiqalo soqobo lwami
Ngangiyomcela kahle uMveli-Nqangi
Ngithi kuye: Mdali ngenze ngibe m’nyama

Ngibe m’nyama ngifane nobusuku
Ngoba ubusuku buhle
Ngibe m’nyama ngifane nefu lemvula
Ngoba owami umjuluko wondla umhlaba

Ngibe m’nyama ngifane nolwandle
Ngoba eyami imicabango ijule kanjalo
Ngibe m’nyama ngifane nenhlabathi
Ngoba owami umoya unothe kangako

Ngibe m’nyama, amehlo ansundu, izinwele zewuli
Ngibe m’nyama, ikhala elikhulu, izindebe eziyugqinsi
Ikhona ngiyogwinya uthingo-lwenkosazana maqede
Ngikhazimule ngenkazimulo yemisebe yenkululeko

COMMENTS OF THE POEM
READ THIS POEM IN OTHER LANGUAGES
Close
Error Success