Na Jaane Kyon Poem by Tarun Kumar

dil mein hal chal si, na jaane kyun hai
rooh kuchh chanchal si, na jaane kyun hai
ek chehra nazron mein dhundhla sa jata hai
choom lun aasman man jaane kyun chahta hai

aagosh mein uske baitha rahun mein
har baat dil ki usse kehta rahu mein
nazron se uski nazron ko dekhun
nigahin ke safar mein uljha rahun mein

khwaish ko uski apni chahat bana lun
kashish ko uski main dil mein basa lun
yun dun tawajjo husn ko uske
ki khwabon se uske jeevan saja lun

samjha jo yeh sab, to jaan gaya mein
milne ki lalak si, aakhir ye kyun hai
taras rha hoon kabse milne ki khatir
fir bhi vo khafa si, na jaane kyun hai