Mwari Matirasha. Poem by Poet jerrimos mugweni(ZVAVANHUVEVHU)

Kana Zuva robuda Kumadokero. Nzizi dzovambuka Nyanza. Kana huwori Bwawora sechidembo cheMUZIMBABWE. Hwoti kutu Kunhuwa. Zvivhitivhiti zvikasadura zvashura. Vongotaura nezvavakafa mumigwagwa. NE cholera. Veku Epworth Vehohwa. Sezvinzi vachamuka Vagozvihwa. VASINA mahwi i muripiko? ? ?


Kana mvana Dzopikira. PFAMBI dzopfambidzana nesu. Kana Mazino Ejongwe Adzoka. Ziya rangu Richabuda Dikita. Mwoyo Ugotemwa Nomusoro. ANGOVA mazawuwone Manjake njake. Ma pagu Mupadagu. Kunyepera Kuseka iro Rakanyenama. Rushambwaiko Vari Gwenyahwi i. VARI Chirorodziva vari Zambe. Kana madokero Obuda zuva. Mheni yoyera sehandira. ZIMBABWE vana matirasha. Tawoma, taworera, Tabvuma. Vasungwa Dzave Nhapwa. VARWERE VOSEMESA. Mapurisa Otonyoresa. MACHIREMBA ode Zvikwama Zvakazvimba. N'anga Dzofembera Nhema.maporofita akanyorwa muBHAIBHERI DZVENE Enhema Atekeshera. MWARI MATIRASHA. Vana VeZIMBABWE vatamba Bvurakasha mumarasha.

Muripiko varikumhepo? Muripiko Mapfupa Anehanda Akanzi akamuka. Makamuka mukavata zve E e e h here?