Muskaan Poem by Renu Tewari

Ek muskaan pyaar ki
Ek muskaan vaar ki
Ek jo dono se uttam
Jisme dono ka sangam

Ek bhangima vahishkaar ki
Ek bhangima tiraskaar ki
Ek jo dono se prabal
vismriti bhi jiski nishphal

Jo hoti hriday cheer kar paar
Ya karati peeth par vaar
Ek muskaan jo ati vishesh
Kar jaaye yadi hrid me pravesh

Jab tak hai shareer me pran
Sab dukho se mil jaaye tran
AA jaaye yadi adharon ke paas
Wo param sukhad wo mridul haas

Translated by
Renu Tewari