Mundangariro Poem by Munashe Rupazo

Mundangariro

Tinofara tigosuwa
Tichivhiya nyambo pachoto
Asi zuva porogara makomo dzinongova ngonono
Shungu dzangu dzaingova
“Dai ndakaziva, ”
Zvino haichatungamiri
Ndirimo mundangariro

Mashanu namatanhu makore anopfuura
Tichifuurirana upenyu
Tichinyeperana magariro amangwana
Mangwana ndaandega
Ndozvishungurudza ramauro rangu
Ndichizvinyaradza nenhondero
Ndirimo mundangariro

Inga vakuru vakati ‘Natsa kwawabva, kwaunoenda usiku’
Ndanatsa ndaziva
Asi ramauro ririmo mumoyo
Ndonatsazve ndisaziva
Chotsvaira uipi hweshure inhondero
Dzirimo zvadzo ndichitondera
Ndirimo mundangariro

Ndozviudza aniko
Ndirini zvangu mhandu yeupenyu hwangu
Pondoshaisha ndochema
Ndirini ndega ndazviitira, pasina andituma
Ndirimo zvangu mundangariro
Shungu dzangu dzaingovaidzo, ‘Dai ndakaziva’
‘Dai ndakaziva.’

POET'S NOTES ABOUT THE POEM
The History of Life
COMMENTS OF THE POEM
Wensislaus Mbirimi 26 November 2014

Wakoshesa mutauro wedu hanzvadzi, ngazvirambe zvakadero

0 0 Reply
READ THIS POEM IN OTHER LANGUAGES
Close
Error Success