Mrekulli Poem by Erlet Shaqe

Dashuria jote është një mrekulli, në një vend me magji,
Në një vend të mbushur me kujtime, duke harruar të gjitha hidhërimet,
Dashuria jote është një mrekulli, në një vend plot fantazi,
Në një vend ku ëndrrat janë të vërteta, pa qenë kaq i verbuar.

Bukuria jote është një mrekulli, një vend që unë e quaj shtëpi,
Një vend ku kam gjetur një engjëll të vërtetë, një vend ku dua ta njoh përsëri,
Trupi yt është një mrekulli, një vend që dua ta zbuloj gjithmonë tek ti,
Një vend i mbushur me pasione, një vend që unë e dashuroj në marrëzi.

Trupi yt është një mrekulli, një vend plot hijeshi,
Një vend i mbushur me thesare pafund, një vend i ëmbël për të dy,
Puthja jote është një mrekulli, një vend ku çdo çast shijoj ylberin e ri,
Një vend i veçantë për mua, ku shijoj çdo ëmbëlsi,

Puthja jote është një mrekulli, një vend ku gjejmë njëri tjetrin,
Një vend i rezervuar vetëm për mua, një vend për tu dashuruar,
Ti thjesht je një mrekulli, një vend ku do të jetoja në përjetësi,
Një vend dikur aq i largët, që tani e dua në plotësi,

Ne jemi thjesht një mrekulli, një vend ku ne i japim njeri tjetrit vetëm dashuri,
Një vend ku askush tjetër se di, ku ne të dy jetojmë bashkë përsëri,
Një vend që unë e quaj shtëpi.