Mga Puno Poem by Jesus Diaz Llorico

Mga Puno

'Sa lahat ng babaeng aking nakita
ikaw na yata ang pinakamaganda
mga mata mong ngumingiting kusa
sa paningin sadyang nakakahalina

Sa tagal ng ating pagkakakilala
na kahit matagal na hindi nagkikita
puso'y kinikilig at nagiging masaya
kapag naririnig ang ating kanta

Kaya't ang lilim nitong mga puno
naging kaparti na ng aking puso
sa tag-init kung dito'y nagtatago
nakikita ay ang mukha mong maamo

Mga panahon na sa harap ko nagdaan
ibang puno'y ngayo'y nagsilakihan
maging mga ibon at ang haring araw
dumaraan ng walang kaalam-alam
na ikaw lagi ang nasa isipan.'

Friday, January 16, 2015
Topic(s) of this poem: love and art
COMMENTS OF THE POEM
READ THIS POEM IN OTHER LANGUAGES
Close
Error Success