Mere Pal Poem by Dr. Sandeep Kumar Mondal

Kal ka suraj bol uthega,
aj bhi kya kuch pal hai tera?
kho dia maine kal jinko,
bas yahi to hai jo hai ab mera.

Beet gae kuch pal jo kal the,
aj naya pal beet raha hai,
sath chalu kyun kharchu inko,
ye pal mera meet raha hai.

Dafan hua ye kal ka pal jo,
aj ki dharti seech raha hai,
phut rahe ankur ab isme,
niche kal ka beej raha hai.

Main na bolu ye bolenge,
kal kya tha, tu kal kya mera?
kho dia tuna tha jinko,
bas yahi to hai jo hai ab tera.