Mera Bharat Mahaan Poem by Shrini Deewana

Duniya mein jo hai dharma aur sabhyata ki pehachaan,
Woh hai mera desh mera pyaara watan Hindustaan,
Jisne shunya sikhayi duniya ko jis se duniya aage badi,
Aise desh ko hum sada kahenge Mera Bharat Desh Mahaan.

Ramayan aur Bhagavad ki path duniya ko yeh hai dikhlayee,
Ahimsa mein hai bhal kitna duniya ko yeh hai samjhayee,
Har dharma ko yahan jagah mili aur mili unhe apnapan bhi,
Sarva Dharma Sambhavana ki mool hai is desh ki sanskriti.

Yahan ki sanskriti ne hai sikhayi Athithi Devo Bhava humko,
Isiliye is desh ne pehele Mughal aur Angrezon ko bhi apnaya tha,
Par yeh hamari kismet thi ke Angrezon ne ghulam hume hi banaya tha,
Apni Bharat Mata ke liye hum jaan bhi luta sakte hai,
Yeh us pal hamare veer jawanon ne duniya ko dikhlaya tha.

Unke veerta se hi mili is desh ko ghulami se aazaadi,
Apne aazaadi ke is din ko chalo aaj hum sab milkar manayenge,
Aur saath mein yaaron ek waada bhi hum kar jaayenge,
Jab aayegi aanch is desh par hum kabhi na chup baithenge,
Apne aazaadi ke khaatir apne jaan tak hum luta denge.

Hum khud na kisi par waar karenge par desh ki aanch bachayenge,
Desh par kabhi koi aafat aaye to hum chup nahin reha paayenge,
Ek baar ghulami seha chuke hum phir aisa na hone hum denge,
Apne desh ki aazaadi ko hargiz mitne kabhi na hum denge.

Humko apne jaan se hai pyaari apna pyaara Hindustaan,
Apni Bharat mata ke liye hum ho jaayenge yaaron kurbaan,
Desh ki maryada aur izzat ko hum sada hi bachayenge,
Aaj ke is din par yaaron hum milkar awaaz lagayenge,
HINDUSTAN ZINDABAD, MERA BHARAT MAHAAN.

Shrini 'Deewana'