Mahiwagang Pag-Ibig Poem by Jesus Diaz Llorico

'Kay daming ibig sabihin
ng salitang mahal at pag-ibig
iba't iba ang nasa puso at isip
para lang ito ay makamit

Parang isang pelikula
na puno ng magagandang salita
pero sa totoong gunita
nababalot ng maraming luha

Kapag ikaw manahimik
puso'y walang imik
pero kung sagad sa gimik
ang hatid nito ay laging pasakit

Kaya kung ikaw ay iibig
dapat handa sa ambang panganib
pagkat sa sinusuong pag ibig
kadalasan ay nasasabit.'