Lento Ingumama Poem by Nangamso Ndikandika

Lento Ingumama

Lento ingumama

Ingaba lento ingu mama yintoni na?

Inimba iyasika ndomva ekhala
noxa engumbulali
Emehlweni am usengu ntondo
Ndiyamfihla ndiyamsitha
Xa amapolisa ezomfuna
Intilongo ayilo khaya
Ndiyamthanda ndimvile

Zilithoba inyanga
Ndi khala zintlungu
Ndithwele lomntana
Ndiyekeni ndimfihle, ndimsithe ndiyamthanda

Ukubulala andimthumanga
Ukudlwengula andimcelanga
Ndamfundisa ukuhlonipha
Umntu obhinqileyo

Lento ingumama yintoni na?
Lento funeka ndifele isono se nzala yam
Bendine njongo ngaye, ndisenethemba kuye
Ngu mntana wam lo, ndimzele.

Umfazi ozeleyo ubambe kungezantsi
Yena lowo ongazelanga ufuna lomntana

Bafazi ndixeleleni
Ingaba lento ingu mama yinto na?

COMMENTS OF THE POEM
Nkululeko Mdudu 31 July 2008

Andingomfazi ngoko ke andinakukuxelela ngokupheleleyo ukuba umama yintoni na, kodwa ndiyavuya ukuba lombuzo uzifumene iindlebe zam ndatsho nam ndaqond(olohlotyana) ukuba akululanga emfazini ozeleyo akubona inzala yakhe isona yaye kubuhlungu nangakumbi ukuzibona ephakathi kwengozi nomntan'akhe

1 0 Reply
READ THIS POEM IN OTHER LANGUAGES
Close
Error Success