Kubanzima Poem by Goodenough Sakhile Dlamini

KubanziMa
Mangase kwenzeke nje
Kwenzelele ngikushitshe lokhu
Kube sengath' akaze kwenzeke…kwenzeka
Akaze kube khona…kukhona
Kukhona okungithwalisa ubunzima
Inqondo yami kubanziMa
Ngingeke ngamtsheka kubanzi Ma

Isimo singshikilela, singishiya ngilele…
Ngilele imicabango imile, imi lo…
Ngizibuza emvakwendaba
Engena ndaba enza nje ezijabulisa engenazwela…
Engezwa lo ngisho sengisikhihla esikaNandi
Ngicela usizo kuqubeka usizi lutho usizo
Ezwa lo oyimina ubuhlungu obungajabulisi neze
kwabanye kumnandi

Lomzimba wami oyi thempeli la mdali
Yena wawenza owakhe, engathi uye owawakha
Lozohlungu engazizwa namanje zibuye
zivuke sengathi zintsha
Lezo nyembezi zam' ezehla zibuye zehle
kugobhoze igazi enhlizwenu ngaphakathi
Bazamile oDokotela ukungiduduza
Bezama ukungibuyisa ithemba kepha,
Abakwazanga ukubuyisela loya mzimba wami ngiyintombi…
Yakwabo encane ezithandayo

KubanziMa
Mangase kwenzeke nje
Kwenzelele ngikushitshe lokhu
Kube sengath' akaze kwenzeke…kwenzeka
Akaze kube khona…kukhona
Kukhona okungithwalisa ubunzima
Inqondo yami kubanziMa

Ngingeke ngamtsheka kubanzi Ma
Kunalokho ngathi ngibona eshabalala amathemb’ ami
ngomuntu wesilisa
Lo… enimbonayo akumina
Mina ngasala, ngashabalala ngalaliswa ngenziwa,
ngenzelelwa
Kwashabalala wonk' ama phupho ami
Nomhlaba sewangijikela wafana, engabe wafa…na?
Wangifanela nejoka elisemahlombe ami ngedwa
Ngedwa kulosis' engingaluvezi
Emahlwen' abantu
Wangidlwengula wangonela ikusasa lami,
Wangishintshela impilo yami
Manje ngiphila implo engaqondile
Akukho nyembezi zawela phansu
Kukhona izandla zizozesula

KubanziMa
Mangase kwenzeke nje
Kwenzelele ngikushitshe lokhu
Kube sengath' akaze kwenzeke…kwenzeka
Akaze kube khona…kukhona
Kukhona okungithwalisa ubunzima
Inqondo yami kubanziMa
Ngingeke ngamtsheka kubanzi Ma