Katie Bairdie Poem by Anonymous British

Katie Bairdie had a coo,
Black an' white aboot the mou' ;
Wisna that a dainty coo ?
Dance Katie Bairdie.

Katie Bairdie had a cat,
She could catch baith moose and rat ;
Wisna that a dainty cat ?
Dance Katie Bairdie.

Katie Bairdie had a hen,
She could lay baith but an' ben ;
Wisna that a dainty hen ?
Dance Katie Bairdie.

Katie Bairdie had a wife,
She could use baith fork an' knife ;
Wisna that a dainty wife ?
Dance Kaitie Bairdie.

Katie Bairdie had a wean,
Widna play whan it cam' on rain ;
Wisna that a dainty wean ?
Dance Katie Bairdie.