Kaintsindi Na Ko Subong Poem by Shelomith Noarbe

sang una ako gapanumdom
nga-a ang mga nagahigugma-anay
kung wala pa sang kasalan nga natabo
halos tanan maintsindihan
halos tanan may solusyon
sa tanan klase nga problema
wala sang indi makaya
tanan kayahon
nga-a ang mga nagahigugma-anay
kung wala pa sang kasalan nga natabo
halos tanan nga okasyon
halos tanan nga kaladtuan
daw indi gid sila mag bulagay
daw indi gid sila mapunggan nga magkadto
dapat sila gid duwa uptadanay
dapat sila gid duwa ga uyatay kamot
ako naghigugma man
ako parehas lang gid sa ila
nagahigugma-anay nga daw la sang makapugong
ang nalain lang
ako gin kasal
didto ko na nakita
naintsindihan
kung nga-a hambal sang mga tigulang
budlay gid kung mapakasal ka nga indi pa tiempo
budlay gid kung pamatyag mo siya na gid ang tsakto para sa imo
diri ko na intsindihan tanan
kung kamo gali gin kasal na
may indi pag intsindihanay
mabatyagan mo indi ka ka giho
indi ka kaon
indi mo masabat ang mga pamangkot
mga pamangkot nga ara sa imo pang huna-huna
mga pamangkot nga ara lang gapabilin asta indi ma solba
wala katawhayan
pamatyagan mo
daw gina priso ka
gasalig siya
ginapalangga mo siya
ikaw ayhan ang may diperensya?
ginapamangkot mo kaugalingon mo
diin ka nagkulang?
kung matyag mo
sobra na nahatag mo
wala dyapon katawhayan
ano na lang
kung ikaw indi mo pag palapadon
imo pag intsindi
imo pag salig
imo pag palangga
nga wala kondisyon
nga wala pag-alinlangan
ikaw gid makasiling
makasiling nga indi ka na
nga indi ka na gid ka gwanta
sang naglain
sang nagbag-o
pero kung ikaw mag-intsindi
hangpon mo kung diin ka na
ikaw maka panumdom
ikaw magka kusog
nga tanan
kayanon mo
kay gapati ka
nga ang inyo paghigugma-anay
may mahimo gid nga kaayuhan sa gihapon
indi ka gid mag pa pirdi
indi gid
pero makaya mo ayhan?
kung imo instindihon
makaya mo gid
kay subong na instindihan ko na
tsakto gid man gali
dapat handa lang gid ko sa tanan
sa tanan nga pwede matabo
sa relasyon
sa paghigugma-anay
sa madugay nga panahon
mentras san-o