Kaha Jaa Rahe Hai Poem by ANJALI KAKATI

Kaha Jaa Rahe Hai

Panno ki parto par
Bade jatan se chipaya hai,
Pankhudiyon me bata,
Sookha sa gulab.
Bejan gulab ko nahi chipate,
Usme simte lamho ki
dastan ko chipate hai.

Dhundhlayi syahi ke dhabbo ko..
Dhakte hai bar bar.
youn hi likhe
Kuch Dhoondhle, kuch saaf
Ankahe alfaaz
Mit-ti syahi ko nahi
Un ankahe alfazoo ke
Dard ko dhakte hai.

Bhagte rehte hai
Aapni parchaiie se dur itna
wohi parchaiie jo rahte hai
saath saath.
Uski kalikh se nahi,
Safeed sakhsiyat se
Bhagte hai.

Bheed me shamil hai jo
Har waqt hasta gata
Koon jane
shamil ho kar bhi,
Har pal hai kitna
Bheed me bhi
Tanha tanha.

Badi der baandh darwaze
Pe khade hai
bina dastak diye.
Darwaze ke khulne se nahi
uske
Khulkar band hone se darte hai.

Kya kahe
jaa rahe hai kaha
ya
Dhoondhte phirte hai kya
yeh nahi ki manzil nahi dikhti
Manzil nahi
Badalte rasto ke bhatkav
Se bhatake hai yaha..
kash jaante
iss janaje ko
le jaa rahe hai kaha.

COMMENTS OF THE POEM
READ THIS POEM IN OTHER LANGUAGES
Close
Error Success